Croeso gan y Pennaeth Mae Ysgol Gymraeg Llundain yn ysgol fechan a chyfeillgar wedi'i lleoli yn Hanwell, ym mwrdeisdref Ealing, Gorllewin Llundain. Rydym yn addysgu trwy gyfrwng y Gymraeg a’r Saesneg gyda’n disgyblion yn dod yn gwbl dwyieithog erbyn blwyddyn 6. Mae bod yn ddwyieithog yn ei gwneud hi'n haws caffael 3ydd a 4ydd iaith. Rydym yn ysgol annibynnol sy'n falch o'i hanes unigryw; rydym hefyd yn ysgol fyfyriol, sy’n esblygu i gwrdd ag anghenion y dyfodol. Trwy hunan-werthuso - mae'r staff, Bwrdd y Cyfarwyddwyr, y rhieni a chefnogwyr yr ysgol i gyd yn rhannu'r nôd o gynnal safonau addysgol uchel. Ymfalchïwn yn llwyddiannau ein disgyblion, boed yn academaidd, ddiwylliannol neu bersonol. Trwy gymryd rhan mewn digwyddiadau cymunedol yn Hanwell, Canolfan Cymry Llundain, y Capeli ac Eisteddfod yr Urdd, mae ymdeimlad o berthyn i gymuned Gymraeg a Chymreig ehangach, boed hynny yn Llundain neu Gymru. Wrth gyd-weithio gydag amrywiaeth o bartneriaid, rydym yn darparu’r Cwricwlwm i Gymru Newydd mewn amgylchedd meithringar, anogol a diogel. Mwynhewch eich taith trwy ein gwefan. Croeso gan y Bwrdd Mae Ysgol Gymraeg Llundain yn cynnig gymaint o gyfleon i blant. Gwn hyn fel rhiant ac yn awr fel llywodraethwr. Mae’n ysgol hapus a byrlymus, ble mae plant yn ffynnu ymha bynnag faes y maent yn rhagori neu ymddiddori. Dyma ddechreuad gwych i addysg eich plentyn - maent yn cael sylw unigol gyda’r addysgu wedi ei deilwra ar eu cyfer. Mae'r plant yn hapus a sâff gyda staff arbenigol a gofalgar. Gwelir y plant yn magu hyder drwy gymryd rhan mewn gweithgareddau megis cyngherddau ac Eisteddfod yr Urdd. Maent yn cael y gorau o'r ddau fyd, - ysgol gartrefol Gymraeg ynghanol bwrlwm Llundain gyda phopeth sydd gan ddinas ei gynnig. Yn goron i’r cwbwl, mae ymweliad am dridiau á gwersyll yr Urdd Llangrannog ar ddiwedd tymor yr haf. Mae hwn yn ymweliad i’r teulu cyfan ac yn gymaint o hwyl i bawb. Dewch i ymweld á’r ysgol i chi gael profi hyn drostoch ein hunain. Gyda dymuniadau gorau Glenys Roberts Cadeirydd y Llywodraethwyr

Croeso gan

Cymdeithas

Rhieni,

Athrawon a

Ffrindiau (CRhAFf)

Mae CRhAFf yn rhoi'r cyfle i bawb ddod at ei gilydd yn gymdeithasol ac i greu cymuned gefnogol. Rydym hefyd yn trefnu gweithgareddau codi arian er mwyn cynorthwyo gyda chostau rhedeg yr ysgol. Mae'r digwyddiadau hyn yn gallu bod yn llawer o hwyl ac yn fodd i rieni fod yn rhan o gymuned yr ysgol. Enghreifftiau o'n digwyddiadau ydy Eisteddfod yr Urdd a'r Genedlaethol, Halibalŵ, Carnifal Hanwell, Light up the Lane, Diwrnodau Agored, y BarBCiw blynyddol a llawer mwy. Holwch yr ysgol am fanylion. Estynnir croeso cynnes iawn i rieni newydd. Rhieni newydd - peidiwch â bod yn swil - ymunwch yn y sbri yn y grwp cyfeillgar a chymdeithasol yma! Ac, os oes gennych syniadau am ddigwyddiadau neu fod gennych ddoniau yr hoffech eu rhannu, cysylltwch yn syth! Sut mae CRAFF yn codi arian?

Croeso i wefan

Ysgol Gymraeg

Llundain

Addysg unigryw, ddwyieithog mewn dosbarthiadau llai i ddisgyblion rhwng 3 ac 11 oed

Cyfeiriad Ysgol Gymraeg Llundain Canolfan Gymunedol Hanwell Westcott Crescent Hanwell Llundain W7 1PD

Cysylltu Ffôn: 020 8575 0237 E-bost: info@ysgolgymraegllundain.co.uk Mewn argyfwng, neu pan fydd yr ysgol ar gau - E-bost: info@ysgolgymraegllundain.co.uk

Gwybodaeth Pennaeth: Ms Julie K Watkins B.A.Hons, PGCE, M.Ed Cantab Rhan o'r elusen: The Welsh Schools Trust Cyfyngedig: 1167479